काठमाडौं : नेपाली बजारमा सुन–चाँदीको मूल्य निरन्तर बढ्दै नयाँ रेकर्ड कायम भएको छ। आइतबार मात्रै एक तोला सुन ७०० रुपैयाँले महँगिँदै २ लाख २३ हजार २०० रुपैयाँ पुगेको छ। यो हालसम्मकै सबैभन्दा उच्च दर हो।
यसअघि अघिल्लो साताको अन्तिम कारोबार दिन शुक्रबार एक तोला सुनको मूल्य २ लाख २२ हजार ५०० रुपैयाँमा पुगेको थियो।
सुनसँगै चाँदीको मूल्य पनि वृद्धि भएको छ। आज एक तोला चाँदी २ हजार ८१० रुपैयाँमा कारोबार भइरहेको छ। शुक्रबारको तुलनामा चाँदीको मूल्य तोलामा ७० रुपैयाँले बढेको हो।
यो खबर पढेर तपाईलाई कस्तो महसुस भयो ?
