काठमाडौं । शिक्षा मन्त्री महाबिर पुनले मन्त्रालयबाट विद्यालयहरूलाई तलब पठाइसकेको बताउँदै भोलिसम्म पनि शिक्षकहरूको तलब निकासा नगर्ने प्रधानाध्यापकहरू कारबाहीको दायरामा आउने चेतावनी दिएका छन्।
मन्त्री पुनका अनुसार शिक्षा मन्त्रालयले आवश्यक बजेट समयमै पठाइसकेको छ, तर कतिपय विद्यालयमा अझै तलब वितरण रोकिएको गुनासो आएको छ। यसलाई गम्भीर त्रुटि ठहर गर्दै उनले तत्काल तलब निकासा गर्न निर्देशन दिएका छन्।
‘शिक्षकहरूको मेहनतको मूल्यांकन समयमै हुनुपर्छ। यदि कसैले जानाजानी तलब वितरण रोके भने कडाभन्दा कडा कारबाही हुन्छ,’ मन्त्री पुनले भने।
उनले विद्यालय प्रशासनलाई शिक्षक र कर्मचारीहरूको अधिकार सुरक्षित गर्न सचेत गराउँदै शिक्षाको गुणस्तर सुधार्न जिम्मेवार व्यवहार देखाउन आग्रह गरे।
यो खबर पढेर तपाईलाई कस्तो महसुस भयो ?
