भदौ २३ को आन्दोलनमा १९ जनाको मृत्यु भएपछि तत्कालीन प्रधानमन्त्री केपी शर्मा ओलीलाई सेनाप्रमुख अशोकराज सिग्देलले राजीनामा दिन चारपटक आग्रह गरेको खुलासा भएको छ।
सेना निकट स्रोतका अनुसार सोही साँझ सेनाप्रमुख सिग्देल बालुवाटार पुगेका थिए। उनले परिस्थिति नियन्त्रणमा ल्याउन प्रधानमन्त्रीलाई राजीनामाको सुझाव दिए तर ओलीले अस्वीकार गर्दै “सेनाले मलाई सिकाउने?” भन्दै आक्रामक प्रतिक्रिया दिएका थिए।
तर, स्थिति थप बिग्रिँदै गयो। देउवामाथि आक्रमण र बालुवाटार वरिपरि भीड बढेपछि सुरक्षाको मागलाई गम्भीर मानेर सेनाप्रमुख सिग्देल हेलिकप्टरमार्फत पुनः बालुवाटार पुगे। त्यही क्रममा उनले कडा शैलीमा चेतावनी दिँदै भनेका थिए, “राजीनामा नगरेसम्म हामी तपाईंको सुरक्षा गर्न सक्दैनौं।”
एक सैनिक अधिकारीका अनुसार सेनाप्रमुखको सो कडा दबाबपछि मात्र प्रधानमन्त्री ओली राजीनामा दिन तयार भएका थिए।
