पोखरिया, पर्सा । पर्साको पोखरिया नगरपालिकामा भारतको बिहारबाट आएका वरिष्ठ पत्रकारहरूको टोलीलाई कदरपत्रसहित स्वागत तथा सम्मान गरिएको छ।
पोखरिया नगरपालिकाको सभा हलमा आयोजित कार्यक्रममा SAARC Journalist Forum International, Bihar Chapter का अध्यक्ष तथा मानवअधिकार टुडेका सम्पादक डा. शशिभूषण कुमार सिंहको नेतृत्वमा आएको पत्रकारहरूको टोलीलाई कदरपत्र प्रदान गर्दै सम्मान गरिएको हो।
कार्यक्रममा वरिष्ठ पत्रकारहरू अजित कुमार पाण्डेय, सन्तोष कुमार र कृष्ण मोहन कुमार लगायतलाई कदरपत्र प्रदान गरी सम्मान गरिएको थियो।
पोखरिया नगरपालिकाका नगर प्रमुख प्रदुमन प्रसाद चौहानको अध्यक्षतामा सम्पन्न कार्यक्रममा प्रमुख अतिथिका रूपमा डा. शशिभूषण कुमार सिंह सहभागी हुनुहुन्थ्यो।
कार्यक्रममा रेडक्रस सोसाइटी उपशाखा पोखरियाका अध्यक्ष भगवान प्रसाद कुर्मी, फेमस नेपाल सन्देशका प्रकाशक शैलेश साह कानु, शम्भु साह कानु, कौशल किशोर गोढ, सुरेश पासवान, सुरेश प्रसाद कुर्मी, पोखरिया बजरंग युवा समाजका अध्यक्ष पवन गुप्ता, ललन पटेल, भगवान प्रसाद कानु लगायतको सहभागिता रहेको थियो।
कार्यक्रममा नेपाल र भारतबीच पत्रकारिता तथा सञ्चार क्षेत्रको सहकार्य, आपसी सम्बन्ध विस्तार तथा सीमावर्ती क्षेत्रका साझा विषयमा पत्रकारहरूको भूमिकाबारे छलफल गरिएको थियो।
नेपाल–भारतबीचको मैत्रीपूर्ण सम्बन्धलाई थप मजबुत बनाउन पत्रकारिता क्षेत्रबाट निरन्तर सहकार्य, समन्वय र अनुभव आदानप्रदान आवश्यक रहेको सहभागीहरूले बताएका थिए।
